martes, 21 de abril de 2015

Perseverar

Os aristotélicos non terían nadiña que facer se viñeran canda min a semana pasada. Poderían comprobar in situ como aquel corpo tendeu a seguir en movemento uniforme sen variar nin un chisco a súa traxectoria.
(Ben sei que non era rectilínea, pero outro día falamos das curvas...)
Aquí Newton tería moi doado de explicar a súa Primeira Lei sen necesidade de rizarse máis o pelo; pero tampouco el viña canda min. Corpus omne perseverare...

Foto: Corpo perseverando.

xoves, 2 de abril de 2015

Abrazar

Eixe, troitoiras, chedeiro; 
adival.

Laxes, cúpula, pateira; 
quentar.

Brancura, artesa, fermento;
amasar.

Terra, traballo, regalía;
manxar.


Foto: Pan nas mans. Mans de pai.
Abrazar